Қойшиев Батырбек Рүстемұлы

Қойшиев Батырбек Рүстемұлы

(04.11.1959-03.12.2018жж)

Батырбек Рүстемұлы Қойшиев 1959 жылы 4 қарашада Оңтүстік Қазақстан облысы Төлеби ауданының Шұбар ағаш ауылында дүниеге келген. 1966 жылы Төлеби ауданы Талас алатауы жотасының оңтүстік сілемі, Майдантау құзды шатқалының бөктеріндегі «Новый строй» сегізжылдық мектепке барды. 1976 жылы Тешкент мемлекеттік университетінің филология факультетіне оқуға түсіп, 1980 жылы Шымкент педогогика институтын орыс тілі мен әдебиеті мамандығы юойынша бітірген болатын.

Еңбек жолын өзінің-өсіп өнген өлкесі, туған Төлеби ауданындағы «Большевик» орта мектебінде бастап, 1982-1987 жылдары Шымкент қалалық, облыстық комсомол органдарында жауапты қызметтер атқарып шыңдала түседі. Комсомол ұйымдарында қызмет істей жүріп білім беру саласына жетекшілік еткенін атап өткен жөн. 1987-1989 жылдары аралығында Төлеби ауданының «Буденный» орта мектебінде, 1989-1990 жылдары Шымкент қаласы №50 орта мектеп директорының орынбасары қызметтерін абыроймен атқарды.

1990-2005 жылдар аралығындағы Батырбек Рүстемұлы Оңтүстік Қазақстан облыстық «оқушылар сарайының» директоры қызметін атқарды. 

2005 жылдан бастап Шымкент қаласындағы №59 мектеп директоры қызметіне тағайындалды. Бұл ұжымда мектептің мультимедия, химия, физика, биология кабинеттерін жабдықтауға ерекше көңіл бөліп, Қайтпас елді мекені оқушыларының жоғары жетістіктеріне жетуге үлкен үлес қосты. 

2012 жылғы Қарашадан бастап №16 мектеп директоры қызметіне тағайындалды. 

Саналы ғұмырының 40 жылға жуық уақытын ұстаздық жолға арнаған қажырлы, елеулі еңбегімен елене білген Батырбек Рүстемұлы Қойшиевтің осы мектептер үшін жасаған еңбегі ерен. 

Білім беру жүйесінде атқарған жұмысы, педогогика саласына қосқан үлесі жас ұрпақты тәрбиелеу ісінде қалдырған ізі елеусіз қалған жоқ. «Қазақстан Республикасы Білім министрлігінің Құрмет грамотасы», Ы.Алтынсарин атындағы төсбелгісі, «Қазақстан Республикасы білім беру ісінің үздігі» төсбелгісі сол еңбегінің бағалануының дәлелі.